L'ANNATA

                   L’annata
A jennaru tutte e cose su allu mparu
Ca u fhriddu sparte paru.
e frevaru chi seguia
Carnevale e ppe la via.
E la vita è na pazzia
Cu marzu chi marzia
a primavera se sentia.
U gelu e lu friddu
Sind’è su juti
Ca ad aprile simu arrivati.
I prati criscenu e le rose jurenu
De ste jurnate fhore se potia
Maju è lu mise de Maria.
Juorni luonghi de passare
Giugnu ormai se vide arrivare.
Alla muntagna all’aria frisca
O alla spiaggia ppe la pisca
Lugliu se rimprisca.
E strate chjne e le case sule nun lassu
Chjazze e vie è tuttu nu scunquassu
Agosto, silenzio mio non ti conosco,
Sule cocente e crema abbronzante
Ogni cosa e bona purchè dissetante.
Mente sazia e sule calante
A settembre tu si ghjù galante.
Timidu ottobre de mustu chinu
Ancunu sillu c’è sutta u pinu.
A novembre su tanti i ricuordi
Ca a vita nunè  sulu e sordi.
doppu Mmaculata e Santa Lucia
L’adduru de natale ndè venia
E dicembre luongu, l’annu chjudia.
4 ottobre 2008  Luciano Antonio Cantafio